Psa 14 | SwhKC | STEP | (Kwa Mwimbishaji: Mtindo Wa Mahalathi. Zaburi Ya Daudi) Mpumbavu anasema moyoni mwake, “Hakuna Mungu.” Wameharibika, matendo yao ni maovu kabisa; hakuna hata mmoja atendaye mema.

Psalms 14

Uovu Wa Wanadamu

(Zaburi 53)

(Kwa Mwimbishaji: Mtindo Wa Mahalathi. Zaburi Ya Daudi)

1 ^aMpumbavu anasema moyoni mwake,
“Hakuna Mungu.”
Wameharibika, matendo yao ni maovu kabisa;
hakuna hata mmoja atendaye mema.

2 ^b Bwana anawachungulia wanadamu chini
kutoka mbinguni
aone kama wako wenye akili,
wowote wanaomtafuta Mungu.

3 ^cWote wamepotoka,
wameharibika wote pamoja,
hakuna atendaye mema.
Naam, hakuna hata mmoja!

4 ^dJe, watendao mabaya kamwe hawatajifunza:
wale ambao huwala watu wangu
kama watu walavyo mkate,
hao ambao hawamwiti Bwana?

5 Wako hapo, wameingiwa na hofu kuu,
maana Mungu yupo pamoja na wenye haki.

6 ^eNinyi watenda mabaya mnakwamisha mipango ya maskini,
bali Bwana ndiye kimbilio lao.

7 ^fLaiti wokovu wa Israeli
ungalikuja kutoka Sayuni!
Wakati Bwana arejeshapo
wafungwa wa watu wake,
Yakobo na ashangilie,
Israeli na afurahi!